నటుడిగానే కాకుండా ఎన్నో సేవా కార్యక్రమాలు చేస్తూ ప్రజల గుండెల్లో స్థానం పొందిన వ్యక్తి ప్రముఖ నటుడు రాఘవ లారెన్స్.”ది లారెన్స్ చారిటబుల్ ట్రస్ట్” ద్వార ఎన్నో సేవా కార్యక్రమాలు చేస్తున్నారు. వంద మంది పిల్లలకు పైగా ఓపెన్ హార్ట్ సర్జరీ చేయించారు. అంతేకాక అనాధ ఆశ్రయాలకు అండగా నిలుస్తుంటారు లారెన్స్. ఇటివల సంభవించిన కేరళ వరదల సహాయార్ధం కోటి రూపాయలు విరాళంగా యిచ్చి తన దాన గుణాన్ని చాటుకున్నారు.
లారెన్స్ లోని సేవా గుణాన్ని గుర్తించిన మదర్ థెరీసా చారిటబుల్ ట్రస్ట్ నిర్వహకులు, మదర్ థెరీసా 108 వ జయంతి వేడుకల సందర్భంగా గురువారం నాడు చెన్నైలోని ఈ పురస్కారాన్ని పుదుచ్చేరి ముఖ్యమంత్రి నారాయణ స్వామి లాంటి అతిరధ మహారధుల సమక్షంలో లారెన్స్ కు అందజేయనున్నారు.