రాజమౌళి దర్శకత్వంలో ఎన్టీఆర్, రామ్ చరణ్లు ప్రధాన పాత్రల్లో ప్రతిష్టాత్మిక సినిమా ఆర్ ఆర్ ఆర్ వస్తోన్న సంగతి తెలిసిందే. ఈ సినిమాలో రామ్ చరణ్ అల్లూరి సీతారామరాజు పాత్ర చేస్తుంటే ఎన్టీఆర్ కొమరం భీమ్ పాత్రలో అదరగొట్టనున్నాడు. ఈ చిత్రంలో ఎన్టీఆర్, చరణ్తో పాటు మరో కీలక పాత్రలో హిందీ సూపర్ స్టార్ అజయ్ దేవగన్ నటిస్తోన్న సంగతి తెలిసిందే. కాగా ఆయన ఈ మధ్యే షూటింగ్లో పాల్గొన్నాడు. దీనికి సంబందించిన ఓ పిక్ను చిత్రబృందం సోషల్ మీడియాలో అభిమానులతో పంచుకుంది. మరో ముఖ్య పాత్రలో తమిళ దర్శకుడు, నటుడు సముద్రఖని నటిస్తున్నాడు.
అది అలా ఉంటే.. మరోవైపు ‘ఆర్ఆర్ఆర్’ సినిమాకు లీకేజ్ ఇబ్బందులు తప్పడం లేదు. ఇది వరకే ఈ సినిమా షూటింగ్ సంబందించి లొకేషన్ నుండి కొన్ని ఫోటోలు లీక్ అవడంతో ఆ మధ్య ఎన్టీఆర్ లుక్ రివీల్ అయిన సంగతి తెలిసిందే. దీంతో ఆర్ ఆర్ ఆర్ టీమ్ షూటింగ్ లొకేషన్ పటిష్టమైన జాగ్రత్తలు తీసుకుంది. అయినా లీక్ సమస్య తగ్గలేదు. అందులో భాగంగా తాజాగా ఎన్టీఆర్ మీద చిత్రీకరిస్తున్న ఫైట్ సీన్కు సంబందించిన ఓ విజువల్ బయటికొచ్చింది. ఈ ఫైట్ ఓ పులికి, కొమురం భీమ్ పాత్ర చేస్తున్న ఎన్టీఆర్ కు మధ్యన హోరా హోరిగా జరిగేది. అంతేకాదు ఈ పోరాట సన్నివేశం సినిమాలోని కీలకమైన అంశం అట. ఈ విషయం తెలుసుకున్న టీమ్, తారక్ లుక్ బయటికి లీక్ కావడంతో వెంటనే అప్రమత్తమై.. కాపీ రైట్ ఇష్యూ కింద ఆ వీడియోను ఆన్ లైన్ నుండి తొలగించారు.