తేజ దర్శకత్వంలో వచ్చిన జయం సినిమా ద్వారా టాలీవుడ్ ఎంట్రీ ఇచ్చిన సదా సినీ పరిశ్రమలో కాలు పెట్టిన కొత్తలో వరుసపెట్టి అవకాశాలు అందుకుని టాప్ హీరోయిన్స్లో ఒకరిగా గుర్తింపు పొందిన సదాకు ఆ తర్వాత అవకాశాలు కరువయ్యాయి. టీవీ షోలకు జడ్జిగా వ్యవహరిస్తూ, అవకాశం చిక్కినప్పుడల్లా సినిమాలు చేస్తోన్న సదాకు తాజాగా మరో ఆఫర్ వచ్చింది. సెక్స్ వర్కర్ల జీవితం ఆధారంగా డైరెక్టర్ అబ్ధుల్ మాజిద్ తెరకెక్కించనున్న టార్చ్ లైట్ సినిమాలో సదా ఓ సెక్స్ వర్కర్ పాత్ర పోషిస్తోంది.
సెక్స్ వర్కర్ల రియల్ స్టోరీల ఆధారంగా గతంలో ఎన్నో సినిమాలు వచ్చాయి. కానీ ఆ చిత్రాలన్నింటికన్నా తన చిత్రం భిన్నమైన కోణంలో వుంటుందంటున్నాడు డైరెక్టర్ మాజిద్. సదా, రిత్విక సెక్స్ వర్కర్ల పాత్రలు పోషించగా ఉదయ, శివశక్తి, దినేష్ వంటి కొత్త ఆర్టిస్టులు ఇతర ప్రధాన పాత్రల్లో నటించారు. ఎంతోమంది హీరోయిన్స్ ఈ పాత్రకు నో చెప్పారు. అయితే సదా మాత్రం ధైర్యంగా అంగీకరించడమే కాకుండా ఎంతో బాగా నటించింది అని ఆమెని అభినందనల్లో ముంచెత్తాడు అబ్దుల్ మాజిద్.