Home / POLITICS / నిరసనలపై కేటీఆర్ ట్వీట్‌..సోష‌ల్ మీడియాలో వైర‌ల్‌

నిరసనలపై కేటీఆర్ ట్వీట్‌..సోష‌ల్ మీడియాలో వైర‌ల్‌

టీఆర్ఎస్ పార్టీ యువ‌నేత‌, తెలంగాణ‌ రాష్ట్ర మంత్రి కేటీఆర్ మ‌రోమారు త‌న రాజ‌కీయ ప‌రిణతిని చాటుకున్నారు. సానుకూల‌, వ్య‌తిరేక ప‌రిణామాల విష‌యంలో స్తిత‌ప్ర‌జ్ఞ‌త క‌లిగి ఉన్న నాయ‌కుడు ఎలా వ్య‌వ‌హరించాలో చాటిచెప్పారు. ఈ ప‌రిణామం ఇప్పుడు సోష‌ల్ మీడియాలో వైర‌ల్ అయింది. రాజకీయాల్లో ఉన్న వ్యక్తిగా పలు సందర్భాల్లో ఎదురయ్యే నిరసనలను తాను సానుకూలంగా తీసుకుంటానని మంత్రి కేటీఆర్ ట్వీట్ట‌ర్ ద్వారా తెల‌ప‌డ‌మే ఇందుకు కార‌ణం. ఓ ఆంగ్ల పత్రిక రాసిన కథనానికి మంత్రి కేటీఆర్‌ ఇలా స్పందించారు.

పలు అభివృద్ధి పనులు ప్రారంభించేందుకు భద్రాద్రి కొత్తగూడెం జిల్లాకు బుధవారం మంత్రి కేటీఆర్‌ వెళ్లిన సంగతి తెలిసిందే. అయితే ఈ సందర్భంగా యూనివర్సిటీ కాలేజీ విద్యార్థులు తమ సమస్యలు పరిష్కరించాలని నినదించారు. స్థానికంగా ఉన్న అధికారులు సర్దిచెప్పినప్పటికీ వారు కొనసాగించడంతో మంత్రి కేటీఆర్‌ అక్కడికి వెళ్లి వారి సమస్యలను అడిగి తెలుసుకున్నారు. వాటిని పరిష్కారానికి ప్రత్యేక శ్రద్ధ పెడుతానని హామీ ఇచ్చారు. అయితే ఈ ఉదంతాన్ని ఓ ఆంగ్ల పత్రిక పేర్కొంటూ మంత్రి కేటీఆర్‌కు నిరసనలని తెలిపింది. దీనిపై ఓ ట్వీట్‌లో కేటీఆర్‌ స్పందించారు. ‘ఇలాంటి నిరసనలు మా రాజకీయ జీవితంలో ఓ భాగం. వీటిని సానుకూలంగా తీసుకొని ముందుకు సాగాలి. ఆ కాలేజీ విద్యార్థులకు మెరుగైన సదుపాయాలు కల్పిస్తాం’ అని హుందాగా స్పందించారు.

MOST RECENT

Facebook Page

canlı casino siteleri casino
evden eve nakliyat ev eşyası depolama izmir istanbul evden eve nakliyat