జేబులోనే పేలిన ఫోన్.. వీడియో వైరల్‌

ఈ మధ్యకాలంలో సెల్‌ఫోన్స్ వినియోగదారులను బెంబేలెత్తిస్తున్నాయి. ఎప్పుడు, ఎవరి వద్ద ఫోన్ పేలుతుందోనన్న టెన్షన్‌ చాలామందిని వెంటాడుతోంది. ఛార్జింగ్ పెట్టినప్పుడుగానీ, ఛార్జింగ్ పెట్టి మాట్లాడుతున్నపుగానీ, జేబులో పెట్టుకున్న తర్వాతగానీ పేలిపోతున్న ఘటనలు ఎక్కువయ్యాయి. తాజాగా ముంబైలోని బాందప్‌ ప్రాంతం ఓ రెస్టారెంట్లో ఓ వ్యక్తి భోజనం చేస్తుండగా ఉన్నట్టుండి ఆయన జేబులోని ఫోన్‌ పేలిపోయింది. దీంతో అక్కడున్న వారంతా ఒక్కసారిగా భయాందోళనలకు గురయ్యారు. ఈ ఘటన 4న జరగ్గా రెస్టారెంట్‌లోని సిసిటివి చిత్రీకరించింది. ఓ వ్యక్తి చొక్కా జేబులో ఉన్న ఫోన్‌ ఒక్కసారిగా పేలి పొగలు రావడంతో, అతను వెంటనే పేలిన ఫోన్‌ తీసి కింద పడేయంతో రెస్టారెంటులో ఉన్నవారంతా బయటకు పరుగులు తీశారు. ఫోన్‌ జేబులో పేలడంతో ఆ వ్యక్తి స్వల్పంగా గాయపడ్డారు. అతడిని ఆస్పత్రికి తరలించి చికిత్స అందిస్తున్నారు.అందుకు సంబంధించిన వీడియో సోషల్‌మీడియాలో వైరల్‌ అవుతోంది.

#WATCH: Mobile phone blasts in man's pocket in Mumbai's Bhandup. (Source: CCTV Footage) (4.6.2018) pic.twitter.com/2oC9uudHq6

— ANI (@ANI) June 5, 2018