Home / 18+ / వైఎస్ జగన్ నా అన్న, నా రక్తం… విమర్శకుల నోరు మూయించిన విరానికా మంచు

వైఎస్ జగన్ నా అన్న, నా రక్తం… విమర్శకుల నోరు మూయించిన విరానికా మంచు

ఆంధ్రప్రదేశ్‌లో ఎన్నికల హడావుడి నడుస్తోన్న వేళ టీడీపీకి, మంచు ఫ్యామిలీకి మధ్య మాటల యుద్ధం నడుస్తోన్న విషయం తెలిసిందే. టీడీపీ ప్రభుత్వం శ్రీ విద్యానికేతన్ విద్యా సంస్థల విద్యార్థులకు ఫీజు రియింబర్స్‌మెంట్ చెల్లించలేదని ఆరోపిస్తూ మోహన్ బాబు రోడ్డెక్కారు. విద్యార్థులతో కలిసి తిరుపతిలో ధర్నా నిర్వహించారు. చంద్రబాబుపై తీవ్ర స్థాయిలో ధ్వజమెత్తారు. దీంతో టీడీపీ ఎదురుదాడికి దిగింది. మోహన్‌బాబుపై టీడీపీ నేత, ప్రణాళిక సంఘం ఉపాధ్యక్షుడు కుటుంబరావు తీవ్ర విమర్శలు, ఆరోపణలు చేశారు. మోహన్‌బాబు అన్నీ అసత్యాలు చెబుతున్నారని, ఆయన వ్యాపారం చేస్తున్నారా? విద్యా సంస్థలు నడుపుతున్నారా? అని తీవ్ర స్థాయిలో ధ్వజమెత్తారు.

దీనికి మోహన్‌బాబు కూడా కౌంటర్ ఇచ్చారు. ప్రభుత్వం ఫీజు రియింబర్స్‌మెంట్ కింద ఎంత ఇచ్చింది, ఇంకా ఎంత బకాయి ఉంది అనే విషయాలు లెక్కలతో సహా చూపించారు. ట్విట్టర్ వేదికగా ఈ లెక్కలను ప్రజలకు వెల్లడించారు. మోహన్‌బాబు మాత్రమే కాకుండా మంచు విష్ణు, మనోజ్ కూడా కుటుంబరావుపై ట్విట్టర్ ద్వారా ఎదురుదాడికి దిగారు. దీంతో మరోసారి మీడియా ముందుకు వచ్చిన కుటుంబరావు.. మంచు ఫ్యామిలీ వైసీపీ కోసం పరోక్షంగా పనిచేస్తోందని ఆరోపించారు. జగన్‌ను గెలిపించడం కోసం టీడీపీపై బురద జల్లుతోందని దుయ్యబట్టారు.

‘మీ బంధువైన వైఎస్ జగన్‌కు మేలు చేసేలా ఎన్నికల సమయంలో ఈ ఆందోళన ఎందుకు చేపట్టారు. ముసుగు తీసేసి వైసీపీ తరపున ప్రచారం చేసుకుంటే మిమ్మల్ని ఆపేదెవరు. మోహన్‌బాబు వారం రోజులుగా చెవిరెడ్డి అనే క్రిమిన‌ల్‌తో తిరుపతిలో తిరుగుతున్నారు’ అంటూ తీవ్ర స్థాయిలో ధ్వజమెత్తారు. అయితే టీడీపీ చేస్తోన్న విమర్శలు, ఆరోపణలపై మంచు విష్ణు భార్య విరానికా మంచు స్పందించారు. అసలు మంచు ఫ్యామిలీ వైసీపీకి ఎందుకు మద్దతు ఇవ్వకూడదని ప్రశ్నించారు. ఈ మేరకు సోమవారం ట్వీట్ చేశారు.

‘నేను వైఎస్సార్ కాంగ్రెస్ పార్టీకి ఎందుకు మద్దతిస్తున్నానని చాలా మంది ప్రశ్నిస్తున్నారు. అసలు నేనెందుకు మద్దతివ్వకూడదు? ఒకవేళ మీకు దీనిపై స్పష్టత లేకపోతే, మీకు కొన్ని విషయాలు చెబుతాను. వైఎస్ జగన్ నా అన్న, నా రక్తం. ఇక నా విషయానికి వస్తే, నాకెప్పుడూ నా కుటుంబమే తొలి ప్రాధాన్యత’ అని ట్వీట్‌లో పేర్కొన్నారు. అంటే, తాను మాత్రమే వైసీపీకి మద్దతు ఇస్తున్నట్లు విరానికా చెప్పినా.. పరోక్షంగా తన కుటుంబం వైసీపీ వెంటే ఉందని చెప్పకనే చెప్పారు.

MOST RECENT

Facebook Page

canlı casino siteleri casino
evden eve nakliyat ev eşyası depolama izmir istanbul evden eve nakliyat