సినీప్రియులకు సడెన్ సర్ప్రైజ్ ఇచ్చింది ప్రముఖ ఓటీటీ సంస్థ ఆహా. మరికొన్ని గంటల్లో ఓరి దేవుడా సినిమా ఆహాలో అలరించనుంది. ఈరోజు (గురువారం) అర్ధరాత్రి 12 నుంచి ఓరి దేవుడా ఆహాలో స్ట్రీమింగ్ కానుంది. ఈ విషయాన్ని సోషల్ మీడియా వేదికగా ఆహా అభిమానులతో పంచుకుంది. ఆహా ఇచ్చిన ఈ సర్ప్రైజ్కు సినీప్రియులు ఫుల్ ఖుషీ అవుతున్నారు.
విశ్వక్ సేన్ హీరోగా నటించిన ఈ మూవీ ఫాంటసీ రొమాంటిక్ కామెడీగా రూపొందింది. విక్టరీ వెంకటేశ్ ఇందులో దేవుడిగా కనిపించారు. అశ్వత్ మారిముత్తు డైరెక్టర్. మిథిలా పాల్కర్ , ఆశా భట్ హీరోయిన్లుగా నటించారు. దీపావళి కానుకగా అక్టోబరు 31న ఈ మూవీ థియేటర్లలో రిలీజై మంచి విజయాన్ని అందుకుంది.