ప్రెగ్నెంట్ వార్తలపై సునీత క్లారిటీ

ప్రముఖ సినీయర్ గాయని.. ఇటు స్వరం అటు అందం కలగల్సిన  సునీత గురించి గతకొన్ని రోజులుగా సునీత ప్రెగ్నెంట్‌ అంటూ వార్తలు వస్తున్నాయి. కాగా వాటిపై తాజాగా సునీత స్పందించింది.‘నేను ప్రెగ్నెంటా? నాకే తెలియదే.

అది ఈ రూమర్ సృష్టించిన వారి ఆలోచనా స్థాయికి సంబంధించిన విషయం. నాకు కానీ, నా జీవితానికి కానీ సంబంధించిన విషయం మాత్రం కాదు.’ అని సునీత చెప్పుకొచ్చింది. 19ఏళ్ల వయసులోనే సునీత.. కిరణ్‌ కుమార్‌ గోపరాజు అనే వ్యక్తిని ప్రేమించి పెళ్లి చేసుకుంది.

అయితే మనస్పర్థల కారణంగా పదేళ్ల తర్వాత వీరిద్దరూ విడాకులు తీసుకున్నారు. కాగా వీరికి ఇద్దరు పిల్లలు.సునీత కూతురు టాలీవుడ్‌లో సింగర్‌గా రాణిస్తుంది. కొడుకు ఆకాష్‌ హీరోగా ఎంట్రీ ఇస్తున్నాడు. ఇక రెండేళ్ల కిందట ప్రముఖ వ్యాపార వేత్త, మ్యాంగో మ్యూజిక్‌ ఛీఫ్ ఎగ్జిక్యూటీవ్‌ రామకృష్ణ వీరపనేనిని వివాహం చేసుకుంది. 42ఏళ్లకు రెండో పెళ్లి చేసుకోవడంతో సునీత్‌ ఒక్క సారిగా హాట్‌ టాపిక్ అయింది.