దక్షిణాది సినీ పరిశ్రమలో వరుస విషాదాలు చోటు చేసుకుంటున్నాయి. కొన్ని రోజుల క్రితమే టాలీవుడ్ ఇండస్ట్రీకి చెందిన యువనటుడు నందమూరి తారకరత్న ని కోల్పోయింది.
అతని పోయి 24 గంటలు గడవకముందే తమిళ చిత్ర పరిశ్రమ కమెడియన్ నటుడు ఆర్. మయిలస్వామి ని పోగొట్టుకుంది. ఈ రెండు విషాదాల నుండీ ఇంకా తేరుకోక మునుపే, మలయాళం పరిశ్రమలో విషాదం చోటుచేసుకుంది.
కమెడియన్, పాపులర్ యాంకర్, నటి అయిన సుబి సురేష్ బుధవారం నాడు తుది శ్వాస విడిచారు. ఆమె లివర్ కి సంబంధించిన వ్యాధితో బాధపడుతూ కొన్ని రోజుల క్రితం కొచ్చి లోని ఒక ప్రైవేట్ ఆసుపత్రిలో చికిత్స పొందుతూ బుధవారం నాడు తుది శ్వాస విడిచారని తెలిసింది. ఆమె వయసు 42. ఇంత చిన్న వయసులోనే ఆమె పై లోకాలకు వెళ్ళిపోవటం మలయాళ పరిశ్రమలో దిగ్భ్రాంతి కి గురిచేస్తోంది.