అక్కినేని వారి మినీ హ‌నీమూన్ ఫిక్స్‌..!

అక్కినేని నాగ చైతన్య సమంతలు పెళ్లి అయ్యి 15 రోజులు గడుస్తున్నా వారు మాత్రం హానీమూన్ గినిమూన్ అంటూ లేకుండా.. సమంత తన సినిమాల విషయంలో బిజీ కాగా… చైతూ త‌న సినిమాల‌తో బిజీగా మారిపోయాడు. మరి ఈ జంట కూడా ఇప్పుడు మినీ హనీమూన్‌ని ప్లాన్ చేసుకుంటున్నారట. అసలు తమ హనీమూన్‌ని డిసెంబర్‌కు వాయిదా వేసుకున్న ఈ జంట ఇప్పుడు మినీ హనీమూన్ అంటూ న్యూజిలాండ్‌కి ఎగిరిపోనున్నారనే టాక్ సినీ వ‌ర్గీయుల్లో వినిపిస్తోంది. సమంత తమ హానీమూన్ ఇప్పుడే కాదని చెబుతున్నప్పటికీ.. ఈ యువ జంట కనీసం ఒక వారం పాటు ఎక్కడికైనా వెళ్లాలనే ఆలోచనతో న్యూజిలాండ్ చెక్కేస్తున్నట్టుగా చెబుతున్నారు.

సమంత ప్ర‌స్తుతం రంగస్థలం, మహానటి సినిమాల కాల్షీట్స్ ని అడ్జెస్ట్ చేసుకుని మరీ ఈ మినీ హానిమూన్‌కి ప్రిపేర్ అవుతుందంటున్నారు. ఇక ఈ మినీ హానిమూన్ పూర్తవగానే నాగ చైతన్య తన కొత్త సినిమా చందు మొండేటి దర్శకత్వంలో సవ్యసాచిని స్టార్ట్ చేసే ప్లాన్‌లో ఉండగా.. సమంత కూడా తన సినిమాల షూటింగ్ ని కంప్లీట్ చేస్తుందంటున్నారు. ఇక ఈ మినీ హానిమూన్‌లో ఈ జంట న్యూజిలాండ్ కి వెళ్లొచ్చాక.. అలాగే నాగ్ – అమల ల టూర్ ముగిశాక చైతు – సామ్ ల రిసెప్షన్ ఉండొచ్చనే ఊహాగానాలు ఉన్నాయి. ఇప్పటికే చైతన్య – సమం ల ఒక రిసెప్షన్ చైతు తల్లి లక్ష్మి ఆధ్వర్యంలో సింపుల్‌గా జరిగింది.