పుష్ప-2 లో మరో విలన్‌గా ఆ స్టార్‌ హీరో..!

పుష్ప.. పుష్ప రాజ్‌ తగ్గేదేలే.. అంటూ పుష్ప: ది రైజ్‌ సినిమా సృష్టించిన సంచలనం మామూలుగా లేదు. హీరో అల్లు అర్జున్‌ డైలాగ్స్‌, యాక్షన్‌తో ప్రేక్షకుల్ని ఓ రేంజ్‌లో ఆకట్టుకున్నాడు. చిన్నా పిల్లాడి నుంచి ముసలి వారి వరకు ఆయన మేనరిజాన్ని బాగా ఫాలో అవుతున్నారు. అంతలా ఎట్రాక్ట్‌ చేసిన ఈ సినిమా పార్ట్‌-2 పై ఆడియన్స్‌ భారీ అంచనాలే పెట్టుకున్నారు. ఈ నేపథ్యంలో పుష్ప 2లో పవర్‌ఫుల్‌ విలన్‌గా ఓ సూపర్‌ స్టార్‌ నటించనున్నట్లు గుసగుసలు వినిపిస్తున్నాయి.
పుష్ప1లో విలన్‌ భన్వర్‌ సింగ్‌ షెకావత్‌గా ఎంట్రీ ఇచ్చి తన నటనతో మెప్పించాడు ఫహద్‌ఫాజిల్. దీంతో ప్రేక్షకుల అంచనాలు ఈ సీక్వెల్‌పై భారీగా పెరిగిపోయాయి. వాటిని చేరుకునేందుకు మరో భారీ విలన్‌ అవసరం ఉన్నందున విజయ్‌ సేతుపతిని డైరెక్టర్‌ సుకుమార్‌ కలిసినట్లు వార్తలు చక్కర్లుకొడుతున్నాయి.