ఓటీటీలోకి కల్యాణ్‌రామ్ బింబిసార.. ఎప్పుడంటే!

మల్లిడి వశిష్ఠ దర్శకత్వంలో నందమూరి కల్యాణ్ రామ్ హీరోగా తెరకెక్కిన సినిమా బింబిసార. థియేటర్లలో రిలీజైన ఈ మూవీ బాక్సాఫీస్ వద్ద సూపర్ హిట్ టాక్ దక్కించుకుంది. టైమ్ ట్రావెల్ నేపథ్యంలో సాగే సోషియో ఫాంటసీ సినిమా కావడంతో దీనికి తగ్గట్టు చక్కటి గ్రాఫిక్స్‌ను అదే రేంజులో ఆసక్తిరేకెత్తించేలా ఉండడంతో ఎప్పుడెప్పుడు ఓటీటీలోకి వస్తుందా అని సినీప్రియులు ఎంతగానో ఎదురు చూస్తున్నారు. ఎట్టకేలకు బింబిసార ఓటీటీ డేట్ ఫిక్స్ చేసింది జీ 5.

చాలా ఏళ్ల తర్వాత బింబిసార సినిమాతో కల్యాణ్ రామ్ మంచి హిట్ అందుకున్నారు. ఈ మూవీ జీ5లో దీపావళి కానుకగా ఈనెల 21వ తేదీ నుంచి స్ట్రీమింగ్ అవుతుంది. ఈ విషయాన్ని జీ5 సోషల్ మీడియాలో పంచుకుంది. ఇందులో కల్యాణ్ రామ్ సరసన కేథరిన్, సంయుక్తా మీనన్ నటించారు. ప్రకాశ్ రాజ్ కీలక పాత్ర పోషించారు. ఎంఎం కీరవాణి సంగీతం అందించారు.