సూపర్‌స్టార్ కృష్ణ కన్నుమూత..!

ప్రముఖ నటుడు, సూపర్‌స్టార్ కృష్ణ కన్నుమూశారు. ఆదివారం అర్థరాత్రి గుండెపోటుతో గచ్చిబౌలిలోని కాంటినెంటల్ హాస్పిటల్‌లో అడ్మిట్‌ అయ్యారు. చికిత్స పొందుతూ ఈరోజు వేకువ జామున మృతి చెందినట్లు వైద్యులు ధ్రువీకరించారు. సూపర్‌స్టార్ మృతితో ఆయన కుటుంబ సభ్యులు, సినీ ఇండ్రస్ట్రీ, అభిమానులు తీవ్ర శోకసంద్రంలో మునిగిపోయారు. పెద్ద ఎత్తున ఆయన మృతికి సంతాపం తెలుపుతున్నారు.

సూపర్‌స్టార్ 1942 మే 31న గుంటూరు జిల్లా తెనాలి మండలంలోని బుర్రిపాలెం గ్రామంలో జన్మించారు. వీరరాఘవయ్య చౌదరి, నాగరత్న తల్లిదండ్రులు. సూపర్‌స్టార్ పూర్తి పేరు ఘట్టమనేని శివరామ కృష్ణమూర్తి. 1965లో కృష్ణ ఇందిరను పెళ్లి చేసుకున్నారు. వీరికి ఐదుగురు పిల్లలు. రమేశ్‌బాబు, మహేశ్‌బాబు, పద్మావతి, ప్రియదర్శిని, మంజుల. ఆ తర్వాత సినీ నటి, దర్శకురాలు విజయ నిర్మలను కృష్ణ రెండో పెళ్లి చేసుకున్నారు. ఆమెకు అప్పటికే కొడుకు నరేశ్ ఉన్నారు.