తెలంగాణ అటవీశాఖపై ప్రశంసల వర్షం..!

తెలంగాణ అటవీశాఖపై కేంద్ర ప్రభుత్వ అధికారులు ప్రశంసల వర్షం కురిపించారు. దేశంలోని మిగతా రాష్ట్రాలకు తెలంగాణ అధికారులు రోల్‌ మోడల్‌ అని పేర్కొన్నారు.కాళేశ్వరం ప్రాజెక్టు అటవీ అనుమతుల సాధనలో తెలంగాణ అటవీ శాఖ రికార్డు సృష్టించింది. కేవలం 9 నెలల 8 రోజుల్లోనే భారీ ప్రాజెక్టుకు అనుమతులు లభించాయి. దేశంలోనే ఇంత వేగంగా అనుమతులు రావడం ఇదే తొలిసారి.

టీమ్‌వర్క్, నిబద్ధతతో పని చేసి కేంద్రం, ఇతర రాష్ర్టాల అభినందనలను అటవీ శాఖ అధికారులు అందుకున్నారు.100 హెక్టార్ల అటవీ భూమి బదలాయింపు అనుమతులకు కనీసం 2 సంవత్సరాల సమయం పడుతుంది. కాని.. కాళేశ్వరం కోసం 3168 అటవీ భూముల బదలాయింపు జరిగింది. రేయింబవళ్లు అధికారులు, సిబ్బంది పనిచేశారు. మొదటి దశ అనుమతులు వచ్చిన నెల రోజుల్లోనే తుది అనుమతులు వచ్చాయి. ఈ ఏడాది ఫిబ్రవరి 17న ఈ ప్రక్రియ ప్రారంభమయింది.