Dharuvu No:1 Telugu Political web site in telugu states
ఆపన్నులకు సహాయం చేయడంలో ముందుండే తెలంగాణ రాష్ట్ర ఐటీ శాఖ మంత్రి కేటీఆర్‌ మరోమారు తన పెద్ద మనసును చాటుకున్నారు. సహాయం కోరుతూ ట్వీట్‌ చేసిన వెంటనే స్పందించి ప్రాణం నిలిపేలా చేశారు. ఓ చిన్నారి సహా మహిళకు కావాల్సిన సహాయం చేయడంలో తక్షణం స్పందించారు. రెండేండ్ల వయస్సున్న ఓ చిన్నారికి అత్యవసర వైద్య సేవలు అందించాల్సి ఉంది. ఆయన కుటుంబ సభ్యులకు ఆర్థిక స్థోమత లేకపోవడాన్ని జువ్వాడి వినాయక్‌రావ్‌ అనే ఓ నెటిజన్‌ మంత్రి కేటీఆర్‌ దృష్టికి తీసుకువచ్చారు. పేదరికంలో ఉన్న ఆ దళిత కుటుంబం ఇప్పటికే రూ.లక్షన్నరకు పైగా ఖర్చుచేసిందని పేర్కొంటూ సహాయంగా కోరగా మంత్రి కేటీఆర్‌ తన కార్యాలయ సిబ్బందితో తక్షణం వివరాలు తీసుకునేలా చేసిన సహాయం అందించారు.
కాగా, నవీన్‌ అనే ఓ నెటిజన్‌ తన తల్లి బ్రెయిన్‌ స్ట్రోక్‌ కారణంగా ఆస్పత్రి పాలయిందని…ఇప్పటికే ఆమె ఆరోగ్యాన్ని బాగు చేసేందుకు రూ. 5 లక్షలకు పైగా ఖర్చు చేశామని…ఆమె కోలుకుంటున్న సమయంలో మరింత సొమ్ము కావాల్సి ఉందని ట్విట్టర్‌ ద్వారా తెలిపారు. ఆయనకు తగు సహాయం అందించాలని మంత్రి కేటీఆర్‌ తన బృందానికి సూచించారు.
