స్వీయ రాజకీయ అస్తిత్వమే తెలంగాణకు శ్రీరామరక్ష

తెలంగాణకు స్వీయ రాజకీయ అస్తిత్వమే శ్రీరామరక్ష అని రాష్ట్ర ఐటీ,పరిశ్రమల శాఖ మంత్రి కేటీ రామారావు అన్నారు.మంత్రి కేటీఆర్ ఇవాళ కుమ్రం భీం ఆసిఫాబాద్ జిల్లాలో పర్యటిస్తున్నారు.ఈ పర్యటనలో భాగంగా మంత్రి సిర్పూర్ పేపర్ మిల్లు పునరుద్దరణ కార్యక్రమంలో పాల్గొన్నారు .ఈ సందర్బంగా అయన మాట్లాడుతూ..సంక్షేమ పథకాల అమలులో..అభివృద్ధిలో తెలంగాణ రాష్ట్రం దూసుకుపోతోందన్నారు.

కార్మికుల కోసం కృషి చేసే నాయకుడు ముఖ్యమంత్రి కేసీఆర్ అన్నారు.ఎవ్వరూ ప్రవేశపెట్టలేని పథకాలను ప్రవేశపెట్టినందుకు ముఖ్యమంత్రి కేసీఆర్ ని మెచ్చుకోవాల్సిందిపోయి..కేసీఆర్ ను గద్దె దించేయాలని కాంగ్రెస్ అనడం ఓర్వలేనితనం అన్నారు. నా తెలంగాణ కోటిరతనాల వీణాను..నా తెలంగాణ కోటీ ఎకరాల మాగానిగా తీర్చుదిద్దుతామన్నారు. ప్రజలకు మేము జవాబీదారులము తప్పా..ప్రతిపక్షాలకు కాదన్నారు.తెలంగాణ వస్తే మీ బతుకంతా చీకటి అవుతుందని ఎగతాలి చేశారని, ఇప్పుడు నాలుగు సంవత్సరాల్లోనే తిరుగులేని తెలంగాణగా తీర్చిదిద్దిన ఘనత సీఎం కేసీఆర్ ది అన్నారు.