Home / ANDHRAPRADESH / గుత్తిలో రాజ్ తరుణ్ సినిమా షూటింగ్‌… తర్వాత ఎక్కడొ తెలుసా…!

గుత్తిలో రాజ్ తరుణ్ సినిమా షూటింగ్‌… తర్వాత ఎక్కడొ తెలుసా…!

కుమారి 21f తో హిట్ అందుకున్న రాజ్ తరుణ్ కు అవకాశాలు వెల్లువెత్తాయి. ఫ్యామిలీ సినిమాలపై గొప్ప అభిరుచి గల నిర్మాతగా పేరు పొందిన దిల్ రాజు, సక్సెస్ ఫుల్ హీరో రాజ్ తరుణ్ ల కాంబినేషన్లో లవర్ అనే సినిమా రాబోతుంది. అనంతపురం జిల్లాలోని గుత్తి పట్టణంలోని ఎస్సీకాలనీ, కోట ప్రాం తంలో షూటింగ్ జరుపుకుంటుంది. వెంకటేశ్వర క్రియేషన్స్‌ బ్యానర్‌పై నిర్మిస్తున్న ‘లవర్‌’ సినిమా షూటింగ్‌ గురువారం గుత్తిలో జరిగింది. హీరో రాజ్‌తరుణ్‌పై పలు సన్నివేశాలు చిత్రీకరించారు. హీరోకు, విలన్, రౌడీలకు మధ్య ఫైట్‌ సన్నివేశాన్ని షూట్‌ చేశారు. దర్శకుడిగా నితిష్, నిర్మాతగా దిల్‌ రాజు, కెమెరా మెన్‌గా సమీరా రెడ్డి వ్యవహరిస్తున్నారు. మూడు రోజుల పాటు గుత్తిలోనే షూటింగ్‌ జరుగనుంది. గుత్తికి చెందిన వర్ధమాన సినీ హీరో సి. విజయభాస్కర్, గిల్లీ దండా (ఫేమ్‌) విలన్‌ శ్రీకరం నరేష్‌రాయల్, నటుడు హేమంత్‌ రాయల్‌ హీరో తరుణ్‌ను కలిసి శుభాకాంక్షలు తెలిపారు.ఇక రాజ్ తరుణ్ ను చూడటానికి పెద్ద ఎత్తున అభిమానులు గుమిగూడారు.గుత్తిలో షూటింగ్ పూర్తి అయ్యాక తిరిగి అనంతపురంలో షూటింగ్ నిర్వహించనున్నట్లు డైరెక్టర్ నితీష్ చెప్పారు.