ఎన్టీఆర్‌, త్రివిక్ర‌మ్‌లో ఒక‌రి కోరికే తీరుతుంది.. ఏంటో తెలుసా?

న‌ట‌రుద్రుడు ఎన్టీఆర్ జై లవ కుశ చిత్రం తర్వాత మాటల మాంత్రికుడు త్రివిక్రమ్ శ్రీనివాస్ దర్శకత్వంలో చేయబోయే చిత్రం ఇటీవలే ప్రారంభమైన విషయం తెలిసిందే. ప‌వ‌న్ క‌ల్యాణ్ ముఖ్య అతిధిగా హాజ‌రై క్లాప్ కొట్టారు. ఈ చిత్రం వ‌చ్చే ఏడాది సెట్స్‌పైకి వెళ్లే అవకాశాలు ఉన్నాయి. ఆ లోపు త‌మ పాత్ర‌కి త‌గ్గ‌ట్టుగా ప్ర‌త్యేకంగా స‌న్నద్ధ‌మ‌వుతారు. అయితే, ఆ సినిమా ప‌ట్టాలెక్క‌డానికి ఇంకా రెండు నెల‌ల‌కు పైగా స‌మ‌య‌ముంది. దీంతో ఎన్టీఆర్ త‌దుప‌రి చిత్రాల కోసం మ‌రిన్ని క‌థ‌ల్ని వింటున్నార‌ని తెలిసింది.

అయితే, ఎన్టీఆర్ కోసం ప్ర‌ముఖ నిర్మాణ సంస్థ ఓ కుటుంబ క‌థ‌ని సిద్ధం చేస్తున్న‌ట్లు స‌మాచారం. అన్నీ కుదిరితే ఈ సినిమా ప‌క్కా అయ్యే అవ‌కాశాలు ఉన్నాని ఫిల్మ్ వ‌ర్గాల స‌మాచారం. అయితే, ఈ క‌థ ప‌క్కా అయిన‌ప్ప‌టికీ.. మొద‌ట త్రివిక్ర‌మ్ సినిమానే సెట్స్‌పైకి వెళ్ల‌నుంది. త్రివిక్ర‌మ్ సినిమాలో పూజా హెగ్దే హీరోయిన్‌. ట‌బు కూడా ఓ కీల‌క పాత్రదారి.