తలసానికి రాజమండ్రిలో ఘన స్వాగతం..!!

మాజీ మంత్రి , సనత్ నగర్ ఎమ్మెల్యే తలసాని శ్రీనివాస్ యాదవ్ కు ఏపీలోని  రాజమండ్రిలో అపూర్వ స్వాగతం లభించింది.తలసాని శ్రీనివాస్ యాదవ్ ఈ రోజు ఓ వివాహానికి హాజరయ్యేందుకు రాజమండ్రి వెళ్లారు.ఈ సందర్భంగా  రాజమండ్రి విమానాశ్రయంలో అక్కడి  యాదవ సంఘం నాయకులు, అభిమానులు ఆయన్ని ఘనంగా స్వాగతించారు. తలసానితో ఫోటోలు దిగేందుకు, షేక్ హ్యాండ్ ఇచ్చేందుకు ఏపీ ప్రజలు పోటీపడ్డారు. ఆ తర్వాత యాదవ సంఘం ఆధ్వర్యంలో  పెళ్లి వేదిక వరకు ర్యాలీగా తలసానిని తీసుకెళ్లారు. దారిపొడవునా..జై తలసాని  నినాదాలతో అభిమానులు హోరెత్తించారు.