యాంకర్‌ ఉదయభానుకి రోజుకి 2 లక్షలా..?

తెలుగులో బిగ్ బాస్ సీజ‌న్ 3 మొద‌లు కావ‌డానికి పెద్ద‌గా స‌మ‌యం లేదు. చూస్తుండ‌గానే సీజ‌న్ 2 అయిపోయి కూడా ఆర్నెళ్లు కావొస్తుంది. దాంతో మూడో భాగానికి సిద్ధం చేస్తున్నారు నిర్వాహకులు. అయితే సీజ‌న్ 3కి ఒకప్పుడు యాంకర్‌గా, నటిగా బుల్లితెరలో ఓ వెలుగు వెలిగిన ఉదయభాను మళ్లీ బుల్లితెరపై సందడి చేయడానికి భాను రెడీ అయిపోతోంది. , అప్పుడప్పుడూ వెండితెరపై కూడా మెరిసింది. ఆ తర్వాత పెళ్లై పిల్లలు పుట్టాక కాస్త విరామం తీసుకుంది. ఇప్పుడు బిగ్‌బాస్ సీజన్ 3కి వినిపిస్తున్న కంటెస్టెంట్‌ల పేర్ల లిస్టులో భాను పేరు ప్రముఖంగా వినిపిస్తోంది. కంటెస్టెంట్‌లు వీక్‌గా ఉంటే కార్యక్రమం బోర్ కొడుతుంది. అందుకే స్ట్రాంగ్ కంటెస్టెంట్‌ల కోసం ఎంత మొత్తాన్నైనా చెల్లించి వారిని అందులో పాల్గొనేలా చేయాలని స్టార్ మా యాజమాన్యం భావిస్తోంది. ఉదయభాను ప్రస్తుతం ఫామ్‌లో లేకపోయినా ప్రేక్షకులు తనని రిసీవ్ చేసుకుంటారనే ఉద్దేశంతో రోజుకి రూ.2 లక్షలు ఇచ్చి మరీ ఆమెను తీసుకుంటున్నారట షో నిర్వాహకులు. అంటే వందరోజులకు గానూ రోజుకి రూ.2లక్షల చొప్పున రూ.2 కోట్లు చెల్లించేందుకు డీల్ కుదుర్చుకున్నట్లు సమాచారం.