Home / ANDHRAPRADESH / ఏపీ ,తెలంగాణకు దక్షిణ మధ్య రైల్వే బిగ్ షాక్

ఏపీ ,తెలంగాణకు దక్షిణ మధ్య రైల్వే బిగ్ షాక్

దక్షిణ మధ్య రైల్వే (ఎస్సీఆర్‌) పరిధిలో నడుస్తున్న 72 రైళ్లకు అధికారులు త్వరలో ఉద్వాసన పలకనున్నారు. ఆయా రూట్లలో నష్టాలు, ఆక్యుపెన్సీ లేకపోవడం వంటి కారణాలతోపాటు.. ఇతర రైళ్లు, గూడ్సుల రాకపోకలకు ఆటంకాలు ఏర్పడకుండా ఈ నిర్ణయం తీసుకున్నట్లు తెలుస్తోంది. ఈ మేరకు ఎస్సీఆర్‌ అధికారులు రైల్వే బోర్డుకు ప్రతిపాదనలు పంపారు. ఈ రైళ్లన్నీ ఎస్సీఆర్‌ పరిధిలోని సికింద్రాబాద్‌, హైదరాబాద్‌, విజయవాడ, విశాఖపట్నం, నాందేడ్‌, గుంతకల్లు డివిజన్లలో సుదీర్ఘకాలం సేవలందించాయి.

ఈ నిర్ణయం వల్ల ఆయా రూట్లలో ఇతర ఎక్స్‌ప్రెస్‌, గూడ్స్‌ రైళ్ల వేగం పెరుగుతుందని అధికారులు చెబుతున్నారు. అంతేకాదు.. 47 ప్యాసింజర్‌ రైళ్లను ఎక్స్‌ప్రె్‌సలుగా మార్చనున్నారు. సబర్బన్‌ సర్వీసులుగా ఉన్న డెమూ, మెమూ రైళ్లను కూడా పూర్తిగా తీసివేసి.. వాటి స్థానంలో మల్టీ మోడల్‌ ట్రాన్స్‌పోర్టేషన్‌ సిస్టం (ఎంఎంటీఎస్‌) రైళ్లను పరిచయం చేయనున్నారు. ఈ పరిణామాల నేపథ్యంలో డిసెంబరు నెలలో రైళ్ల టైంటేబుల్‌లో భారీ ఎత్తున మార్పులు చోటుచేసుకునే అవకాశాలున్నాయి.

మార్పుల తర్వాత ఇలా..

ఎస్సీఆర్‌ పరిధిలో రోజూ 876 రైళ్లు రాకపోకలు సాగిస్తాయి. సికింద్రాబాద్‌ నుంచి సాధారణ, సూపర్‌ఫాస్ట్‌ రైళ్లు కలిపి 120, హైదరాబాద్‌ నుంచి 50, కాచిగూడ నుంచి 70, లింగంపల్లి నుంచి 30 రైళ్లు నడుస్తుంటాయి. ఇలా రోజుకు సగటున 1.80 లక్షల మంది ప్రయాణికులకు సేవలందిస్తున్నాయి. వీటికి తోడు.. 128 ఎంఎంటీఎస్‌ సర్వీసులు, 30కి పైగా డెమూ రైళ్లు మరో 1.95 లక్షల మంది ప్రయాణికుల అవసరాలను తీరుస్తున్నాయి.

కరోనా లాక్‌డౌన్‌కు ముందు ఈ రైళ్లన్నీ.. 24 గంటల పాటు రాకపోకలు సాగించేవి. లాక్‌డౌన్‌ సమయంలో ఎక్కడి రైళ్లు అక్కడే నిలిచిపోయాయి. జూన్‌ 10 నుంచి అన్‌లాక్‌లో భాగంగా పరిమితంగా రైళ్లు నడుస్తున్నాయి. ఈ సమయంలోనే ఉన్నతాధికారులు ఇతర రైళ్లు, ఎక్స్‌ప్రె్‌సలు, గూడ్స్‌ల వేగాన్ని పెంచేందుకు 72 రైళ్లను రద్దు చేయాలని నిర్ణయించారు.

రద్దు కానున్న రైళ్లు ఇవే..

తిరుపతి-పాండిచ్చేరి, విజయవాడ-తెనాలి, తెనాలి-గుంటూరు, విజయవాడ-తెనాలి, విజయవాడ-గుంటూరు, గుంటూరు-ఒంగోలు, గుంటూరు-విజయవాడ, రాజమండ్రి-భీమవరం, భీమవరం-నిడదవోలు, మణుగూరు-కాజీపేట, ఫలక్‌నుమా-భువనగిరి, కలబుర్గీ జంక్షన్‌- హైదరాబాద్‌ డెక్కన్‌, కాజీపేట-విజయవాడ, విజయవాడ-పెద్దపల్లి, నంద్యాల హెచ్‌ఎక్స్‌ స్పెషల్‌, గూడూరు-రేణిగుంట జంక్షన్‌, డోన్‌-గుంతకల్‌, నిజామాబాద్‌-బోధన్‌, మిర్జాపల్లి-బోధన్‌, ఫలక్‌నుమా-ఉందానగర్‌(డెమూ), ఉందానగర్‌-సికింద్రాబాద్‌, సికింద్రాబాద్‌-మేడ్చల్‌, మేడ్చల్‌-ఫలక్‌నుమా, ఫలక్‌నుమా-బోరబండ, ఫలక్‌నుమా-మొయినాబాద్‌, సికింద్రాబాద్‌-మొయినాబాద్‌, హైదరాబాద్‌ డెక్కన్‌-తాండూరు, విజయవాడ-విశాఖపట్నం, బిట్రగుంట-చెన్నయ్‌ సెంట్రల్‌, తిరుపతి-నెల్లూరు తదితర రైళ్లు రద్దు కానున్నాయి

ఈ రూట్లలో ఎంఎంటీఎస్‌

మనోహరాబాద్‌, సికింద్రాబాద్‌, ఉందానగర్‌, ఫలక్‌నుమా సెక్షన్ల నడుమ నడిచే డెమూ రైళ్ల స్థానంలో ఎంఎంటీఎస్‌ రైళ్లను నడపనున్నారు.

రైల్వే బోర్డుకు ఎస్సీఆర్‌ చేసిన ప్రతిపాదనలివే..

పూర్తిగా తొలగించనున్న రైళ్లు:72

ఎక్స్‌ప్రె్‌సలుగా మారనున్న ప్యాసింజర్లు:47

తాత్కాలికంగా రద్దు చేసే రైళ్లు:5

డైవర్షన్‌ చేయనున్న రైళ్లు:8

వివిధ మార్గాల్లో పొడిగించనున్న రైళ్లు:3

వేగం పెరగనున్న ఎక్స్‌ప్రె్‌సలు:523

కారిడార్‌ బ్లాక్స్‌ పెంచేవి:21%

పెరగనున్న గూడ్స్‌ మార్గాలు:20%

ఈ రైళ్లు ఇక పరుగులు పెడతాయి

సుమారు 47 ప్యాసింజర్‌ రైళ్లు ఎక్స్‌ప్రె్‌సలుగా మారాయి. ఈ మేరకు వారం రోజుల క్రితం రైల్వే బోర్డు గ్రీన్‌సిగ్నల్‌ ఇచ్చింది. కాజీపేట-బల్లార్షా, భద్రాచలంరోడ్‌-సిర్పూర్‌టౌన్‌, బల్లార్షా-భద్రాచలంరోడ్‌, విజయపుర-బొల్లారం, హైదరాబాద్‌-విజయపుర, అజ్నీ-కాజీపేట, కాచిగూడ-కర్నూల్‌సిటీ, రాయచూరు-కాచిగూడ, గుంటూరు-కాచిగూడ, సికింద్రాబాద్‌-రేపల్లె, మణుగూరు-సికింద్రాబాద్‌, హైదరాబాద్‌-పర్బనీ, కాచిగూడ-నాగర్‌సోల్‌ రైళ్లు, వాటి పెయిర్స్‌ను ఎక్స్‌ప్రె్‌సలుగా మార్చనున్నారు.

ఇకపై ఇవి సూపర్‌ఫా్‌స్టగా దూసుకుపోతాయి. అందుకు అనుగుణంగా ఈ రైళ్లలో స్లీపర్‌ క్లాస్‌ బోగీలు, థర్డ్‌ ఏసీ కోచ్‌లను ఏర్పాటు చేస్తున్నారు