ఐస్‌క్రీమ్ విక్రేతకు ఝలక్‌ ఇచ్చిన బుడ్డోడు.. నెటిజన్ల ఫిదా!

టర్కిష్‌ ఐస్‌క్రీమ్ విక్రేతలు కస్టమర్లకు వెంటనే ఐస్‌క్రీమ్ ఇవ్వకుండా వారితో కాసేపు ఆడుకుంటు ఉంటారు. చిన్నారులకు అయితే మరీ ఎక్కువగా ఏడిపిస్తుంటారు. దీంతో ఎవరికైనా విసుగురాక తప్పదు. అయితే ఓ బుడ్డోడు మాత్రం ఐస్‌క్రీమ్ విక్రేతకే ఝలక్ ఇచ్చాడు. ఇంతకీ ఆ బాబు ఏం చేశాడో తెలుసా..

సోషల్ మీడియాలో చూస్తూ ఉంటాం.. ఐస్‌క్రీమ్ తినడానికి కస్టమర్లు వెళ్లే వారు వెంటనే వారి చేతిలో పెట్టకుండా చేతికి ఇచ్చినట్టే ఇచ్చి వెనక్కి లాగేసుకుంటారు. ఇటీవల ఇలాగే ఓ విక్రేత బాలుడుకి ఐస్‌క్రీమ్ ఇవ్వకుండా ఐస్‌క్రీమ్ ఉన్న స్టిక్‌ను వెనక్కి లాగే ప్రయత్రం చేశాడు. వెంటనే ఆ బాలుడు ఒక్కసారిగా ఆ స్టిక్‌ను గట్టిగా పట్టుకొని ఐస్‌క్రీమ్‌ను లాగేసుకున్నాడు. దీంతో ఐస్‌క్రీమ్ అమ్మేవ్యక్తి ఒక్కసారిగా షాక్ అయ్యాడు. ప్రస్తుతం దీనికి సంబంధించిన ఓ వీడియో సోషల్ మీడియాలో తెగ వైరల్ అవుతోంది.