శ్రీకాంత్ ఓదెల దర్శకత్వంలో నేచురల్ స్టార్ నాని నటిస్తోన్న చిత్రం దసరా. ఇందుకు సంబంధించిన క్రేజీ అప్డేట్ను పంచుకున్నారు హీరో నాని. ఈ మూవీలో “ధూమ్ ధామ్ దోస్తాన్” అంటూ సాగే ఫస్ట్ సాంగ్ను విజయదశమి రోజున రిలీజ్ చేయనున్నారు. ఈ మేరకు నాని తన సోషల్ మీడియాలో ఓ ప్రత్యేక వీడియోను పంచుకున్నారు. ఇప్పటివరకు రాని మాస్ స్ట్రీట్ సాంగ్గా ఇది అలరిస్తుందని తెలిపారు నాని.
ఈ ధూమ్ ధామ్ దోస్తానా సాంగ్కు సంతోష్ నారాయణన్ సంగీతం అందించగా.. ప్రేమ్ రక్షిత్ స్టెప్పులేయించారు. తెలంగాణలోని ఓ పల్లెటూరి నేపథ్యంలో సాగే మాస్ యాక్షన్ ఎంటర్టైనర్గా రూపొందుతోన్న ఈ మూవీ ప్రస్తుతం శరవేగంగా షూటింగ్ జరుపుకుంటోంది. ఇందులో నాని సరసన మరోసారి కీర్తి సురేశ్ నటిస్తోంది. సుధాకర్ చెరుకూరి నిర్మాత. తెలుగు, తమిళ, హిందీ, కన్నడ, మలయాళ భాషల్లో వచ్చే సంవత్సరం మార్చి 30న రిలీజ్ కానుంది.