వాల్తేరు వీరయ్య ట్రైలర్‌ విడుదలకు ముహుర్తం ఫిక్స్

తెలుగు సినిమా ఇండస్ట్రీకి చెందిన సీనియర్ స్టార్ హీరో..మెగాస్టార్‌ చిరంజీవి సంక్రాంతి పోరుకు సిద్ధమవుతున్నాడు. చిరు రీ ఎంట్రీ సినిమాకు ఘనంగా స్వాగతం పలికిన ప్రేక్షకులు..ఆ తర్వాత రిలీజైన మూడు సినిమాలను మొహమాటం లేకుండా తిరస్కరించారు.

ఇక ప్రస్తుతం మెగాస్టార్ ఆశలన్నీ ‘వాల్తేరు వీరయ్య’ పైనే ఉన్నాయి. బాబీ దర్శకత్వం వహిస్తున్న ఈ సినిమాపై అంతంత మాత్రంగానే అంచనాలున్నాయి. ఎందుకంటే దర్శకుడిగా బాబీకి చెప్పుకోదగ్గ హిట్లు లేవు.

అయితే చిత్రబృందం వరుసగా ప్రమోషన్‌లు జరుపుతూ కొంచెం కొంచెంగా బజ్‌ క్రియేట్‌ చేస్తున్నారు. నిజానికి సినిమాపై మంచి బజ్‌ రావాలంటే ట్రైలర్‌ ఒక్కటి చాలు.   వాల్తేరు వీరయ్య ట్రైలర్‌ శనివారం రిలీజ్‌ చేస్తున్నట్లు మేకర్స్ రెండు రోజుల ముందే ప్రకటించారు.

కాగా తాజాగా ట్రైలర్‌ టైమ్‌కు ముహూర్తం ఫిక్స్ చేశారు. వాల్తేరు వీరయ్య ట్రైలర్‌ను సాయంత్రం 6గంటల 3 నిమిషాలకు రిలీజ్‌ చేస్తున్నట్లు చిత్రబృందం ప్రకటించింది.