మేయర్లు, మున్సిపల్‌ చైర్మన్ల రిజర్వేషన్లు ఖరారు..

తెలంగాణలో త్వరలో మున్సిపాలిటీ ఎన్నికలు జరగనున్న విషయం తెలిసిందే. తాజాగా రాష్ట్ర పురపాలక సంచాలకులు శ్రీదేవి మీడియాతో మాట్లాడుతూ.. ఆయా కార్పోరేషన్ల మేయర్లు, మున్సిపల్‌ చైర్మన్ల రిజర్వేషన్లకు సంబంధించిన వివరాలను ప్రకటించారు.

13 నగరపాలక సంస్థల్లో ఎస్టీ-1, ఎస్సీ-1, బీసీ-4, జనరల్‌-7 స్థానాలను కేటాయించగా, 123 పురపాలికల చైర్మన్లలో ఎస్టీ-4, ఎస్సీ-17, బీసీ-40, జనరల్‌ -62 స్థానాలను కేటాయించినట్లు ఆమె తెలిపారు.

మీర్‌పేట్‌ మేయర్‌ పదవి ఎస్టీకి కేటాయించగా, రామగుండం మేయర్‌ పదవి ఎస్సీకి కేటాయించారు. జవహర్‌నగర్‌, బండ్లగూడ, నిజామాబాద్‌ నగరపాలక సంస్థ మేయర్‌ పదవులను బీసీకి కేటాయించినట్లు ఆమె తెలిపారు.