Breaking News
Home / NATIONAL / ఒక్క జీవోతో యూపీ సీఎం సంచలనం

ఒక్క జీవోతో యూపీ సీఎం సంచలనం

ఉత్తరప్రదేశ్ ముఖ్యమంత్రి యోగి సంచలన నిర్ణయం తీసుకున్నాడు. ఆయన నేతృత్వంలోని బీజేపీ సర్కారు రాష్ట్రంలోని పోలీస్ డిపార్ట్మెంట్ కు చెందిన సుమారు ఇరవై ఐదు వేల మందిని తొలగించింది.

ఈ నెల ఇరవై ఏడో తారీఖున రానున్న దీపావళి పండుగకు ముందు యోగీ సర్కారు తీసుకున్న ఈ నిర్ణయంపై సర్వత్రా విమర్శలు వినిపిస్తోన్నాయి. యూపీ ప్రభుత్వ పోలీసు శాఖ జారీ చేసిన ఆదేశాల్లోని వివరాల ప్రకారం ఆ రాష్ట్ర సీఎస్ అధ్యక్షతన జరిగిన ఒక సమావేశంలో ఈ నిర్ణయం తీసుకున్నారు.

అయితే ఎన్నికల ముందు యువతకు ఉపాధి కల్పిస్తాము. ఉద్యోగాలు ఇస్తామని చెప్పి తీరా ఎన్నికల్లో గెలుపొంది.. అధికారంలోకి వచ్చాక యువతను గాలికి వదిలేస్తోన్నారని కాంగ్రెస్ తో సహా ప్రతిపక్ష పార్టీలు ఆరోపణలు గుప్పిస్తున్నాయి.