పొన్నాల లక్ష్మయ్యకు తప్పిన ప్రమాదం

తెలంగాణ రాష్ట్ర కాంగ్రెస్ పార్టీకి చెందిన సీనియర్ నేత.. మాజీ మంత్రి.. మాజీ పీసీసీ చీఫ్ పొన్నాల లక్ష్మయ్యకు భారీ ప్రమాదం తప్పింది. నిన్న సోమవారం సాయంత్రం మాజీ మంత్రి పొన్నాల కారు ప్రమాదానికి గురైంది.

అయితే అదృష్టవశాత్తు ఈ ప్రమాద ఘటన జరగడానికి ముందే కారులో నుంచి దిగి మాజీ మంత్రి పొన్నాలతో పాటు ఆయన మనవడు దిగి షాప్ లోకి వెళ్ళారు. వాళ్లు లేనప్పుడు ఈ ఘటన జరగడంతో భారీ ప్రమాదం నుంచి ఆయన.. ఆయన మనవడు బయటపడ్డారు.

తన మనవడుతో కలిసి జూబ్లిహీల్స్ రోడ్ నెంబర్ 1 వైపు షాపింగ్ కు వచ్చిన సమయంలో అదే సమయంలో సినిమా షూటింగుకి చెందిన వాహానం రివర్స్ తీసుకునే క్రమంలో అది పొన్నాల కారు ముందు భాగాన్ని గట్టిగా ఢీకొట్టింది. దీంతో కారు పూర్తిగా ధ్వంసమైంది.