జూనియర్ ఎన్టీఆర్ తదుపరి చిత్రం ఖరారు..!

వరుస విజయాలతో టాలీవుడ్ ఇండస్ట్రీలో తనకంటూ ఇమేజ్ ను సంపాదించుకుని టాప్ హీరోలలో ఒకరిగా రాణిస్తోన్న స్టార్ హీరో యంగ్ టైగర్ జూనియర్ ఎన్టీఆర్. జూనియర్ ఎన్టీఆర్ ప్రస్తుతం టాలీవుడ్ జక్కన్న దర్శకత్వంలో ఆర్ఆర్ఆర్ మూవీలో నటిస్తోన్న సంగతి విదితమే.

ఈ సినిమా షూటింగ్ హైదరాబాద్ లోని రామోజీ ఫిల్మ్ సిటీలో జరుపుకుంటుంది. ఈ మూవీ తర్వాత జూనియర్ ఎన్టీఆర్ త్రివిక్రమ్ శ్రీనివాస్ దర్శకత్వంలో నటించబోతున్నాడని తెలుస్తోంది.

జక్కన్న మూవీ విడుదల తర్వాత వచ్చే ఇమేజ్ ను బ్యాలెన్స్ చేయాలంటే త్రివిక్రమ్ శ్రీనివాస్ దర్శకత్వంలో చేస్తే బాగుంటదని ఎన్టీఆర్ సన్నిహితులు సూచించడంతో జూనియర్ ఈ నిర్ణయం తీసుకున్నట్లు సమాచారం.