‘మాస్ట్రో’ నుండి మరో పాట

యూత్ స్టార్ నితిన్ – నభా నటేశ్ జంటగా నటించిన చిత్రం ‘మాస్ట్రో’. తాజాగా ఈ సినిమా నుంచి మరో పాటను చిత్రబృందం విడుదల చేసింది. మేర్లపాక గాంధీ దర్శకత్వంలో రూపొందుతున్న ‘మాస్ట్రో’లో మిల్కీ బ్యూటీ తమన్నా కీలకపాత్రలో కనిపించబోతున్నారు.

బాలీవుడ్‌లో సూపర్ హిట్‌గా నిలిచిన ‘అంధాదు’న్ రీమేక్‌గా ఇది తెరకెక్కింది. ప్రముఖ ఓటీటీ డిస్నీ+ హాట్ స్టార్ వేదికగా మూవీని సెప్టెంబర్ 17న విడుదల చేయనున్నారు. ఈ నేపథ్యంలో ప్రమోషన్స్ జోరుగా సాగిస్తున్న చిత్రబృందం తాజాగా ఈ చిత్రంలోని ‘లల్లల్లాల’ అనే మరో పాటని రిలీజ్ చేసింది.

అంధుడైన ఓ పియానో ప్లేయర్ పాత్రలో నితిన్ కనిపించబోతున్నాడు. ఇప్పటికే విడుదలైన ప్రచార చిత్రాలు – టీజర్ – ట్రైలర్ – సాంగ్స్ సినిమాపై బాగానే అంచనాలు పెంచాయి. ఈ ఏడాది ‘రంగ్ దే’, ‘చెక్’ సినిమాలతో వచ్చిన నితిన్ ఆశించిన భారీ హిట్ దక్కించుకోలేపోయాడు. ఈ క్రమంలో రాబోతున్న ‘మాస్ట్రో’ ఈయనకి ఏ రేంజ్ సక్సెస్ ఇస్తుందో చూడాలి.