సుకుమార్ దర్శకత్వంలో పాన్ ఇండియా మూవీగా ప్రేక్షకుల ముందుకోచ్చిన మూవీ పుష్ప . ఐకాన్ స్టార్ అల్లు అర్జున్ హీరోగా.. నేషనల్ క్రష్ రష్మికా మంధాన హీరోయిన్ గా.. సునీల్ ,రావు రమేష్, అనసూయ తదితరులు ప్రధానపాత్రలో నటించగా ప్రపంచ వ్యాప్తంగా ఘనవిజయం సాధించడమే కాకుండా కలెక్షన్ల సునామీని సృష్టించింది.
ఈ సినిమా ఎంతటి ఘన విజయం సాధించిందో ఈ మూవీలో సీనియర్ నటి సమంత చేసిన ఐటెం సాంగ్ కూడా అంతే హిట్ కొట్టింది. అయితే ఈ చిత్రానికి సీక్వెల్ గా వస్తోన్న పుష్ప రెండో పార్ట్ లో కూడా ఐటెం సాంగ్ ఉంటుందని చిత్రం యూనిట్ ఇప్పటికే ప్రకటించిన సంగతి తెల్సిందే.
అయితే ఈ పాటలో కూడా సమంత నటిస్తుందని వార్తలు ఫిల్మ్ నగర్లో తెగ చక్కర్లు కొడుతున్నాయి. ఈ వార్తలపై సమంత టీం క్లారిటీచ్చింది. ఐటెం సాంగ్ కోసం సమంత ను సంప్రదించిన విషయం నిజం కాదు అని క్లారిటీచ్చింది.