యాదాద్రిలో రౌడీ ఫెలో

ఖుషీ మూవీ హిట్ కొట్టడంతో మంచి జోష్ లో ఉన్నాడు రౌడీ ఫెలో.. యంగ్ స్టార్ హీరో విజయ్ దేవరకొండ . సమంత హీరోయిన్ గా దర్శకుడు శివ నిర్వాణ నేతృత్వంలో నవీన్ యర్నేని ,వై రవిశంకర్ నిర్మాతలుగా వచ్చిన ఖుషీ మూవీ బ్లాక్ బాస్టర్ అయింది.

దీంతో హీరో విజయ్ దేవరకొండ తన తమ్ముడు ఆనంద్ దేవరకొండ ,దర్శకుడు శివ, నిర్మాతలు నవీన్ యర్నేని,రవిశంకర్ లతో కల్సి యాదాద్రి లక్ష్మీనరసింహాస్వామిని దర్శించుకున్నారు.

ఈ సందర్భంగా హీరో విజయ్ దేవరకొండ మాట్లాడుతూ ఈ ఏడాది మాకుటుంంబానికి రెండు హిట్లు దక్కాయి. తమ్ముడు ఆనంద్ హీరోగా వచ్చిన బేబీ మూవీ బిగ్ హిట్ కొట్టింది.

నేను హీరోగా నటించిన ఖుషీ మూవీ బ్లాక్ బాస్టర్ అయింది.  అందుకే కృతజ్ఞతలు తెలియజేయడానికి ఫ్యామిలీ మెంబర్స్ తో కల్సి యాదాద్రి దర్శనానికి వచ్చాము . ఈ ఏడాది మైత్రీ సంస్థకు బాగా కల్సి వచ్చింది. వాళ్లు నిర్మించిన రెండు చిత్రాలకు జాతీయ అవార్డులు వచ్చాయి. ఇప్పుడు ఖుషీ మూవీ హిట్ అయింది. మాలాగే అందరూ హ్యాపీగా ఉండాలని ఆ దేవుడ్ని కోరుకున్నట్లు తెలిపారు.