అభిమాని కారు నెంబర్ ప్లేట్‌ చూసి అవాక్కైన కేటీఆర్!

సీఎం కేసీఆర్, కేటీఆర్‌లకు ఉన్న క్రేజ్ అంతా ఇంతా కాదు. వీరి అభిమానులు ఏదో ఒక విధంగా వీరిపై ఉన్న ప్రేమను చూపిస్తూనే ఉంటారు. తాజాగా ఓ అభిమాని చేసిన పనిని కేటీఆర్ తన సోషల్ మీడియాలో పంచుకున్నారు. ఇంతకీ ఆ అభిమాని ఏం చేశాడంటే..

రమేశ్ సిరిమల్ల అనే ఓ వ్యక్తి కొత్త కారు కొన్నాడు. ప్రస్తుతం అందరి దృష్టి ఆ కారు నెంబరు బోర్డు మీదే పడింది. ఎందుకుంటే ఆ వ్యక్తి కారు నెంబరు బోర్డుపై కేసీఆర్- కేటీఆర్ అని రాయించుకున్నాడు. అక్షరాలు తెలుపు రంగులో రాయించి వాటి వెనక బోర్డుకు పింక్ కలర్ వేయించాడు. ఇందుకు సంబంధించిన ఫోటోలు సదరు వ్యక్తి తన ట్విట్టర్ ఖాతాలో పోస్ట్ చేయగా.. కేటీఆర్ ఆ ట్వీట్‌కు స్పందించారు. ఇది ఓ రకమైన ప్రేమే అని రాసుకొచ్చారు. ప్రస్తుతం ఇది సోషల్ మీడియాలో వైరల్ అవుతోంది.