కరోనా థర్డ్వేవ్ సినిమా ఇండస్ట్రీకి చెందిన  సెలబ్రిటీలను తీవ్రంగా కలవరపెడుతోంది. సినిమా స్టార్లు వరసగా కోవిడ్ బారిన పడుతున్నారు. తాజాగా టాలీవుడ్ స్టార్ హీరోయిన్ కీర్తి సురేష్కు వైరస్ సోకింది. మైల్డ్ సింప్టమ్స్ ఉన్నాయని, ప్రస్తుతం ఐసోలేషన్లో ఉన్నానని ఆమె తెలిపింది. ప్రస్తుతం కీర్తి.. గుడ్ లక్ సఖి, చిరుతో భోళా శంకర్, మహేశ్తో సర్కారు వారి పాట, నానితో దసరా సహా పలు క్రేజీ సినిమాల్లో 3 నటిస్తోంది.

తెలంగాణలో కరోనా కేసులు క్రమంగా పెరుగుతున్నాయి. గడిచిన 24గంటల్లో 83,153 టెస్టులు చేశారు. 1,920 కొత్త కేసులు బయటపడ్డాయి. నిన్నటితో పోలిస్తే 100కేసులు పెరిగాయి. ఇక మహమ్మారితో ఇద్దరు మరణించారు. మరోవైపు కరోనా నుంచి 417 మంది కోలుకున్నారు. ప్రస్తుతం రాష్ట్రంలో 16,496 పాజిటివ్ కేసులు ఉన్నాయి.

ఆర్జేడీ చీఫ్ లాలూ ప్రసాద్ యాదవ్ తో తెలంగాణ రాష్ట్ర అధికార పార్టీ టీఆర్ఎస్ అధినేత, సీఎం కేసీఆర్ ఫోన్లో మాట్లాడారు. ఆయన ఆరోగ్య సమాచారాన్ని అడిగి తెలుసుకున్నారు. దేశంలో లౌకిక, ప్రజాస్వామిక వాతావరణాన్ని కాపాడుకోవాలని కేసీఆర్.. లాలూతో అన్నట్లు తెలిసింది. ఈ సందర్భంగా జాతీయ రాజకీయాల్లోకి కేసీఆర్ రావాలని లాలూ కోరినట్లు సమాచారం. కేసీఆర్ పాలనా అనుభవం దేశానికి అవసరముందని లాలూ అన్నట్లు తెలిసింది.