గజాననుడికి ఏనుగు రూపం వెనుక ఉన్న కారణం ఏమిటి?

సకల దేవతలకు గణాధిపతి…తొలిపూజలు అందుకునే ఆదిదేవుడు..విఘ్నేశ్వరుడు. అసలు వినాయకుడికి ముందు నుంచి ఏనుగు రూపం లేదు…అందరిలాగే మామూలు రూపంలోనే ఉండేవాడు.  పార్వతీదేవీ, పరమేశ్వరుల ముద్దుల తనయుడిగా, లంబోదరుడుగా గజాననుడిగా .భాసిల్లుతున్న వినాయకుడికి ఏనుగు రూపం ఎందుకు వచ్చింది. ? వినాయకుడి జన్మ వృత్తాంతాం ఏంటో తెలుసుకుందాం.   పురాణాల ప్రకారం కైలాసంలో పార్వతీ దేవి శివుని రాక గురించి విని, చాలా సంతోషించి, తల స్నానం చేయటానికై నలుగు పెట్టుకుంటూ, ఆ నలుగుతో ఒక బాలుని రూపాన్ని తయారు చేసి, ఆ బొమ్మకు ప్రాణం పోసి ద్వారం వద్ద కాపలాగా ఉంచి, ఎవరినీ రానివ్వ వద్దని చెప్పింది. దీంతో ఆ బాలుడు సాక్షాత్తూ పరమేశ్వరుడినే ఎదుర్కొని తల్లి ఆనతి నెరవేర్చాడు. ఆ ధిక్కారానికి కోపం వచ్చిన పరమశివుడు అతని శిరచ్ఛేదముగావించి లోపలికి వెళ్లాడు. శివుడు చేసిన పని విని పార్వతీదేవీ ఎంతో దుఃఖించగా, పరమ శివుడు కూడా తన చేసిన తప్పు తెలుసుకుని గజాసురుని శిరస్సును అతికించి ఆ బాలుని బ్రతికించాడు. నాటి నుంచి ‘గజాననుడు’గా పేరు పొందాడు. గణేషుడు జన్మించిన ఆరోజునే వినాయక చవితి పండుగగా జరుపుకుంటున్నాము…వినాయకచవితి నాడు మట్టిగణపతినే పూజించడం శ్రేయస్కమని పండితులు కూడా చెబుతున్నారు. చివరగా మట్టి గణపతే..మహాగణపతి. మట్టి గణపతిని పూజించండి…పర్యావరణాన్ని పరిరిక్షించండి.. . తెలుగు ప్రజలందరికీ ఆ విఘ్నేశ్వరుడు సకల విఘ్నాలు తొలగించి, ఆయురారోగ్యాలను, అష్టైశ్వర్యాలను ప్రసాదించాలని కోరుకుంటూ వినాయకచవితి పర్వదిన శుభాకాంక్షలు..!