Home / TELANGANA / కేటీఆర్ ను కలిసిన అంగోత్ తుకారాం

కేటీఆర్ ను కలిసిన అంగోత్ తుకారాం

ఎవరెస్ట్ శిఖరాన్ని అధిరోహించిన అంగోత్ తుకారాం టిఆర్ఎస్ వర్కింగ్ ప్రెసిడెంట్ కేటీఆర్ ని శుక్రవారం కలిశారు. ఎవరెస్టు శిఖరాన్ని విజయవంతంగా అధిరోహించినందుకు అంగోత్ తుకారాం కు కేటిఆర్ శుభాభినందనలు తెలియజేశారు. ఈ సందర్భంగా తనతో కాసేపు కేటీఆర్ ముచ్చటించారు. పర్వతారోహణ సమయంలో ఎదుర్కొన్న సవాళ్లను గురించి కేటీఆర్ అడిగి తెలుసుకోవడం జరిగింది. అంగోత్ తుకారాం సాధించిన ఈ విజయం పట్ల కేటీఆర్ ప్రశంసించారు. ఇంతటి విజయాన్ని సాధించిన యువపర్వతా అధిరోహకుడికి భవిష్యత్తులో అవసరమైన సహాయ సహకారాలు అందించడానికి కేటీఆర్ సంసిద్ధత వ్యక్తం చేశారు.

అంగోత్ తుకారాం అత్యంత ఎత్తయిన 8,848 మీటర్ల ఎవరెస్టు శిఖరాన్ని 22 మే 2019 వ తేదీన అధిరోహించడం జరిగింది. నేపాల్ లోని అత్యంత క్లిష్టమైన సౌత్ కోల్ మార్గం గుండా ఎవరెస్టు శిఖరాన్ని అధిరోహించిన దక్షిణ భారత అతి చిన్న వయస్సు గల పర్వతారోహకుడిగా రికార్డు సృష్టించాడు. అంతకుముందు కిలిమంజారో పర్వతాన్ని అధిరోహించి 2018లో లిమ్కా బుక్ ఆఫ్ రికార్డ్స్ లో తన పేరు నమోదు చేసుకున్నాడు. 17 ఏళ్ల వయసు నుండే పర్వతారోహణ పట్ల తన యొక్క ఆసక్తిని పెంచుకున్న కొంతమంది అధికారుల ప్రోత్సాహంతో ఈ విజయాన్ని సాధించగలిగాడు.