సిరిసిల్లలో అయుత మహాచండీయాగం..పాల్గొననున్న మంత్రి కేటీఆర్

లోక కల్యాణార్థం సిరిసిల్లలో శ్రీహరిహరపుత్ర అయ్యప్ప ట్రస్టు సేవాసమితి ఆధ్వర్యంలో ఇవాల్టి నుంచి ఐదు రోజులపాటు మూడు కోట్ల వ్యయంతో అయుత మహాచండీయాగాన్ని నిర్వహిస్తున్నారు. 1100 మంది రుత్వికులు, దేశంలోని వివిధ రాష్ర్టాలకు చెందిన పీఠాధిపతుల చేతుల మీదుగా ఈ యాగం నిర్వహిస్తున్నట్టు చెప్పారు. యాగంకోసం చండీ, పరదేవతల విగ్రహాలను ప్రత్యేకంగా తయారు చేయించి ప్రతిష్ఠించారు. రోజూ పదివేలమందికి అన్నదానం చేయనున్నారు. సామాన్యులు సైతం పాల్గొనేలా హోమగుండాలను ఏర్పాటు చేస్తుండటం దేశంలోనే ఇదే తొలిసారని నిర్వాహకులు తెలిపారు . ఈ యాగానికి సీఎం కేసీఆర్ సతీమణి శోభ, మంత్రి కేటీఆర్, కరీంనగర్ ఎంపీ వినోద్‌కుమార్, మంత్రులు అల్లోల ఇంద్రకరణ్‌రెడ్డి, ఈటల రాజేందర్, టీఆర్‌ఎస్ రాష్ట్ర ప్రధాన కార్యదర్శి, టీన్యూస్ ఎండీ జోగినపల్లి సంతోష్‌కుమార్‌లు పాల్గొంటారు.