బట్టతల రాకుండా ఉండాలంటే ఈ 5 ఉత్తమ ఇంటి చిట్కాలు పాటించండి

సాధారణంగా బట్టతల వస్తున్నప్పుడు చిహ్నాలు ఇంటిలోనే కనిపిస్తాయి, అంటే మీ తలగడపై లేదా వాష్ బేసిన్‌లో ఎక్కువగా జుట్టు కనిపిస్తుంది. బట్టతల నివారణకు పలు పరిష్కారాలు ఉన్నప్పటికీ (జుట్టు అంటుకట్టడం నుండి అత్యంత శక్తివంతమైన జుట్టు నూనెలు వరకు), ఆశ్చర్యకరమైన విషయం ఏమిటంటే ఉత్తమ పరిష్కారాలు మనకు చేరువలోనే ఉంటాయి. మీరు వీటిని మీ ఇంటిలోనే తయారు చేసుకోవచ్చు మరియు ఇవి సమూలంగా బట్టతల ప్రమాదాన్ని నివారించడానికి సులభమైన, సహజ మరియు చౌకైన మార్గాలు ఇవే .

1)  ఆముదం నూనె మొదటి స్థానంలో ఉంటుంది. దీనిని సులభంగా పొందవచ్చు మరియు మీ జుట్టు ఆరోగ్యంగా పెరగడానికి చాలా ఉత్తమంగా దోహదపడుతుంది. అంతే కాకుండా, ఆముదం నూనె వలన పలు రకాల జుట్టు మరియు చర్మ సమస్యలు కూడా పరిష్కరించబడతాయి. ఆముదం నూనెలో తలపై నెమ్మదిగా మర్దనా చేయడం వలన నెత్తిమీద చర్మానికి పోషణ లభిస్తుంది, జుట్టు ఆకృతి మెరుగవుతుంది మరియు జుట్టు పెరుగుదల వేగవంతం అవుతుంది.

2)  కొబ్బరి నూనె బట్టతల నివారణకు సహాయపడే అత్యుత్తమ సహజ పరిష్కార మార్గాల్లో ఒకటి. మీరు కొంచెం కొబ్బరి నూనెను తలపై పోసుకుని, తలపై చర్మంపై బాగా మర్దనా చేయాలి. ఇది జుట్టు పుటికలను ప్రేరేపిస్తుంది మరియు మీ పలచని జుట్టు దట్టంగా మారుతుంది. కొబ్బరి నూనె నుండి అత్యధిక ప్రయోజనాలు పొందాలనుకుంటున్నారా? ముందు రోజు రాత్రి మీ తలపై కొబ్బరి నూనెతో మర్దనా చేసుకుని, తర్వాత రోజు ఉదయం శుభ్రం చేసుకోవాలి. కొబ్బరి నూనెలో కొన్ని చుక్కల నిమ్మ రసం చేర్చి, దానితో తలపై మర్దనా చేసుకోవడం వలన మరిన్ని ఫలితాలు లభిస్తాయి.

3)  మీకు ఆశ్చర్యంగా ఉండవచ్చు, కానీ ఉల్లిపాయల రసం వలన కూడా బట్టతలను నివారించవచ్చు. అవును, నిజంగానే ఉల్లిపాయల రసం వలన మీ జుట్టు పెరుగుతుంది ఎందుకంటే ఉల్లిపాయల్లో సల్ఫర్ ఉంటుంది, ఇది రక్త ప్రసరణను ప్రేరేపిస్తుంది. ఇది నెత్తిమీద చర్మంపై గల హానికారక బ్యాక్టీరియా మరియు ఫంగస్‌ను కూడా నాశనం చేస్తుంది. దీనిని తేనెతో కలిపి కూడా ఉపయోగించవచ్చు. శక్తివంతమైన ఫలితాలు కోసం తేనెతోపాటు దాల్చినచెక్క పొడి, బ్రాందీ మరియు గుడ్డు పచ్చసొనను కలిపి ఉపయోగించాలి.

4)   నిమ్మరసాన్ని సాధారణంగా బట్టతల నివారణకు ఉపయోగిస్తారు. బట్టతల నివారణ కోసమే కాకుండా, నిమ్మ రసాన్ని చుండ్రు, జుట్టు రాలిపోవడం, క్రెడిట్ క్యాప్ మరియు పొడి జుట్టు వంటి నెత్తిపై జుట్టు సంబంధిత సమస్యల నివారణకు కూడా ఉపయోగిస్తారు. దీనిని ఆలివ్ ఆయిల్ మరియు అలెవీరా వంటి ఇతర సహజ దినుసులతో కలిపి ఉపయోగించాలి; తర్వాత మృదువైన షాంపూతో తలను శుభ్రం చేసుకున్నట్లయితే మంచి ఫలితాలు కనిపిస్తాయి.

5)  ప్రోటీన్ పుష్కలంగా ఉండే పెరుగు వలన జుట్టుకు చాలా మంచి ప్రయోజనాలు ఉన్నాయి మరియు ఆరోగ్యవంతంగా ఉంటుంది. ఇది సహజ కండీషనర్ మరియు బట్టతలను నివారించడానికి చాలా ప్రయోజనకరంగా ఉంటుంది. పెరుగును నెత్తిమీద చర్మానికి మాస్క్‌గా పూసుకోవడం లేదా తరచూ తింటూ ఉండటం వలన జుట్టు బాగా పెరుగుతుంది.
మీరు మీ బట్టతలను నివారించడానికి పలు ఇతర నివారణ మార్గాలు కూడా ఉన్నాయి. ప్రతి నివారణ మార్గానికి పలు ప్రయోజనాలు లభిస్తాయి. మీరు వాటిని గుర్తించాలి. ఈ నివారణ మార్గాలను అనుసరించినట్లయితే, బట్టతల ఇంటిలోనే ప్రారంభమవుతుంది, ఇంటిలోనే ముగుస్తుంది!!